Plantun de Prouvènço

Pèr coumpara dos planto d'encò nostre

Erica cinerea & Thesium linophyllon subsp. montanum

Erica cinerea

Ericaceae

Nom en français : Bruyère cendrée.

Descripcioun :
La brousso-rasiero se rescontro soulamen au couchant de noste relarg qu'èi pulèu uno planto coumuno dóu coustat de l'atlantico. Au contro di brusc que fan de bartas un pau grand, aquelo èi pu basso. Trachis, parié, dins lis endré séusous, sablo e savèu. Se recounèis à si pichòti flour roso e redouno en enflourejado e à si fueio bèn verdo en long, primo, verticilado pèr 3-4 e quàsi sènso péu.

Usanço :
La brousso-rasiero èi vertuouso contro lis enfecioun urinàri e li graviho dóu ren (Erica vèn dóu gre e vòu dire roumpre). Se pren en tisano, (30 à 40 g de flour seco pèr litre d'aigo).

Port : Aubret
Taio : 20 à 60 cm
Fueio : verticilado
Tipe bioulougico : Faneroufite
Cicle bioulougico : Planto renadivo

Gènre : Erica
Famiho : Ericaceae

Ordre : Ericales

Coulour de la flour : Verdo
Petalo : 4
Ø (o loungour) flour : 1,5 à 2 mm
Flourido : Printèms - Estiéu - Autouno

Sòu : Si
Autour basso e auto : 0 à 1600 m
Aparado : Noun
Jun à óutobre

Liò : Bos clar - Champino - Pinedo - Sablo
Estànci : Mesoumediterran à Mountagnard
Couroulougi : Éuroupenco-Ouèst
Ref. sc. : Erica cinerea L., 1753

Tesioun(-di-fueio-de-lin)

Thesium linophyllon subsp. montanum

Santalaceae

Noms en français : Thésium de Bavière, Thésium à feuille de lin.

Descripcioun :
Lou tesioun-di-fueio-de-lin trachis en basso mountagno dins lis Aup prouvençalo. Es uno planto en mato di tijo redo amé de fueio en lanço longo de 3 à 6 cm e qu'an souvènt 3 costo. La subsp. montanum a d'ùni fueio de mai de 3 mm de larg. Fai uno enflourejado en grando piramido amé li pecou di flour d'en bas proun long.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 30 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Thesium
Famiho : Santalaceae

Ordre : Santalales

Coulour de la flour : Blanco
Petalo : 5
Ø (o loungour) flour : 3 mm
Flourido : Printèms - Estiéu

Sòu : Ca
Autour basso e auto : 600 à 1800 m
Aparado : Noun
Jun à juliet

Liò : Óuriero de bos - Esclargido
Estànci : Subremediterran à Mountagnard
Couroulougi : Éuropo-Sud-Èst
Ref. sc. : Thesium linophyllon subsp. montanum (Ehrh. ex Hoffm.) Celak., 1871 (= Thesium bavarum Schrank, 1787 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Erica cinerea & Thesium linophyllon subsp. montanum

ges

Coumpara Brousso-rasiero emé uno autro planto

Coumpara Tesioun(-di-fueio-de-lin) emé uno autro planto